كان فى مرة فيل كل يوم يمشى يدوس على النمل فالأستاز فوزى قائد النمل عمللهم اجتماع وقال فيه احنا لازم نموتة ، فاتقسموا مجموعتين مجموعة نطت على جانبة اليمين راح باعدهم ومجموعة نطت على الشمال راح باعدهم وفضل فوزى فى النص فكل النمل من تحت قعد يزعق : موته يا فوزى موتة يا فوزى
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما
مره كان فى فار قاعد فى خمارة وبيسكر وهو بيشرب اول شفطه ويبص على الحيوانات ولما يجى عند الاسد يبص له من فوق لتحت ويقول حد هيطلع عينه انهارده وفضل كده لمدة يومين ففى ثالث يوم الاسد قال الواد ده بيبوص لى كدا ليه فقام شده من ديله فقال الفار انا مش قلت حد هيطلع عينه انهارده
مره اتنين مجانين اتفقوا انهم يهربوا من المستشفى واحد قال للتانى لو لاقينا الصور عالى هنهده لو لاقيناه واطى هنط من فوقيه التانى قاله ماشى راحوا مالاقوش صور خالص قالوا يخساره المهمه فشلت
ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه
اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.
مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة
نمله ماتت على الشط فبيسألو مسطول تعتقد ليه ماتت؟ قال ضحايا تايتنك
واحد صعيدى اول ما نزل مصر شاف بتاع الانابيب قالة وحيات ولدك افتحلنا واحدة بس تكوت ساجعة
مرة اتنين مساطيل ماشيين ف الشارع بالليل بعد ما خلصو قاعدتهم ..,وهمما ماشيين شافو اتنين مساطيل قاعدين ع الرصيف وبيصطادو ف الاسفلت ,,,فالاول قال لزميله شوف الاتنين المساطيل اللى بيصطادو ف
الاسفلت دول .........,قاللو يا عم سيبك..قدف قدف..
اتنين مساطيل قاعدين يتفرجوا على التلفزيون و نشرة الأخبار كانت شغالة فواحد بيقول للتانى هى النشرة طولت النهاردة لية، رد عليه التانى و قال اصلها اخر حلقة
مرة واحد غبى اوى ومسطول فى نفس الوقت كان شايل مسامير فى ايدة المهم وهو ماشى مسمار وقع من ايدة وبقيت المسامير اللى فى ايدة لسه فى ايدة المهم قال للمسار اطلع يا مسمار مرديش راح فتح ايدة وقال للمسامير انزلوا جيبوه
واحد ماشى ورا وحدة قالها الحلوة وراها مشوار قالتلة لا وراها حمار
مره واحد بيقول لمراته اقولك نكته قالتله قول قالها نكته قالتله هيه بارد قالها هيه طالق
مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟
مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى
الأربعاء 10 سبتمبر 2008 - 13:42